Efants d'Jiblou - Cercle royal Art et Histoire de Gembloux

Aller au contenu

Efants d'Jiblou

Patrimoine

Djiblou mès djins, èst st'on' gaiy' pitit'vile,
Coneuw' fwâr long, fwâr laudj' di tos costés;
Où c'qu'on î vique à l'auje èt bin tranquile,
Qu'a l'éw' li gaz èt l'èlectricité...
Ele a ossi s'rivire,
S'Pont d'briqu's èt d'pires.
Et cor on vi cloki
Rapétachi ;
Trwès toûrs, dès plac's tot's bèles,
Deûx monumints, sept tchapèles

REFRAIN 
Efants D'Jiblou,
Voçi l'grand d'jou !
Vos èstoz li fleûr di djon-nèsse...
Tchantez, dansez, l'amour est doù...
C'est st'audjoûrdu li grand'fiyèsse...
Efants D'Jiblou,
Gare aus vis djoûs ;
Profitez di' voss' bèl' djon-nèsse,
Tchantez, dansez, l'amoûr èst doù...
C'est st'audjourdu li grande fiyèsse

Djiblou mès d'jins, a connu des batayes,
Qu'ont ravadji nos maujon's èt nos tchamps ;
El' s'a r'dressi maugré tot' li mitraye,
Grâce al coradje di sès vayants èfants !
Elle a insi st'istwère
Po nos mémwères ;
Ça n'pout nin yèsse rovi
Pa djon.nes ou vis ;
Fuchans fiérs di noss'vile,
Po l'grand oneûr di nos familes.

Djiblou mès djins, fét dèl fin' coutèl'riye,
Et des tchèreuw's vantéy's dins tot l'payis ;
Po fé dè guèsse i gn'a on' distil'riye,
Et pwis I'sucriye po bin nos ayinçi.
El' a co c'qu'i faut voye
Sès bèlès vôyes
Et pwis "l'nec pus ultra"
S'fwère aus pourcias...
Qu'on vèng' di d'long èt d'laudje
C'est dé Sij'bèrt qu'on s'astaudje.

Djiblou mès djins, a dès aut's tit's di glwères ;
A l'Institut èt v'nant d'tos lès payis,
Dès om's vègn'nut por aprinde, èst-ce à crwère,
A fé poussi dès frumint, des radis !
Ci qu'i nos dmère a dire
C'èst qu'i faut rire,
Et dj'ant bin djintimint
Com' complimint...
Vunoz djon-n's djins, mam'zèles,
L'ocâsion èst vrémint bèle...

Retourner au contenu